माता तू वैरिणी, नवजात बाळाला आईने फेकून दिले,डोंगरखंडाळा येथील घटना.

बुलडाणा - 25 ओक्टोबर

विजयदशमीच्या दिवशी सकाळी एका निर्दयी आईने एका दिवसाच्या बाळाला फेकून दिल्याची घटनेने संपूर्ण गांव हादरुन गेला आहे.

     बुलडाणा तालुक्यातील डोंगरखंडाळा येथे पुरुष जातीचे एक दिवसाचे अर्भक आज 25 ओक्टोबर रोजी सकाळी सहा वाजताच्या सुमारास काही महिलांना दिसल्याची धक्कादायक घटना उघडकीस आली आहे.या महिलांनी अर्भक जिवंत असल्याची खात्री करत तात्काळ त्याला उचलून बुलडाणा ग्रामीण पोलिसांना संपर्क केला.ग्रामीण पोलिसाच्या पथकातील पीएसआई रामपुरे, बिटजमादार तायडे यांनी पोहोचुन पंचनामा करुण बाळाला ताबडतोब बुलडाणा येथील जिल्हा सामान्य रुग्णालयात

उपचारार्थ दाखल केले.हा बाळ कोणाचा आहे याची पोलिसाने माहिती काढली आहे. या प्रकरणी पोलिस पाटिल रवि प्रल्हाद गवई यांच्या तक्रारीवर बुलडाणा ग्रामीण ठाण्यात आई विरुद्ध भादवी ची कलम 317 प्रमाणे गुन्हा दाखल करण्यात आला आहे. पोलिसांनी आईला सुद्धा उपचारासाठी जिल्हा सामान्य रुग्णालयात दाखल केले आहे. आई व बाळाची प्रकृती ठिक असल्याचे समजते.पुढील तपास थाणेदार सारंग नवलकर यांच्या मार्गदर्शनात बिटजमादार तायडे करत आहे.