अहमदनगर - शहरात धुमाकूळ घालणारी सराईत सोनसाखळी व जबरी चोरीतील चार चोरट्यांना जेरबंद करण्यात कोतवाली पोलिसांना यश आले आहे. राजू रामय्या दास (रा.बुडाई, स्वरा बजगा जि.बालेसुर राज्य उडिसा हल्ली रा. बोरुडे मळा, भुतकरवाडी, अहमदनगर), राम मधुकर खंडागळे ( रा.वार्ड न.१ गोधवणीरोड, आण्णाभाऊ साठे घरकुल, श्रीरामपूर, जि.अहमदनगर), नयन राजेंद्र तांदळे (रा.डावखररोड, श्री फर्निचर शेजारी, श्रीरामपूर जि.अहमदनगर) पकडण्यात आलेल्यांची नावे आहेत. भूषण बबन ससे (रा.भुतकरवाडी ता.जि.अहमदनगर) हा फरार आहे. आरोपींकडून २ लाख ६३ हजार रुपयांचा मुद्देमाल हस्तगत केला आहे. यांच्यावर तोफखाना, भिंगार व कोतवाली पोलिस ठाण्यात गुन्हे दाखल आहेत.
उपविभागीय पोलीस अधिकारी संदीप मिटके यांच्या मार्गदर्शनाखाली कोतवाली पोलिस ठाण्यात पो.नि. विकास वाघ यांनी दिलेल्या सूचनेनुसार पो उप नि.सतीश शिरसाठ, पोना शाहीद शेख, नितीन शिंदे, नितीन गाडगे, मुकुंद दुधाळ, संदीप थोरात, भारत इंगळे, राहुल शेळके, सुजय हिवाळे आदीच्या पथकाने ही कारवाई केली.
Post a Comment