चिखली येथे तांदुळाचा ट्रक पलटी, रेशनचा तांदूळ असण्याची शक्यता,चोपडा ते गोंदिया जात होता ट्रक

बुलडाणा- 30 नोव्हे.
बुलडाणा जिल्ह्यातील चिखली शहरापासून दोन किलो मीटर अंतरावर खामगांव-जालना हायवे वरील मेहकर फाटा येथे तांदुळाने भरलेला एक ट्रक रात्री तीन वाजताच्या सुमारास मेहकर पलटी झाल्याची घटना घडली असून रात्री ट्रक ड्रायव्हर व क्लिनर घटनास्थळ वरुन पळून गेले होते.या मुळे असा व्यक्त केला जात आहे की सदर तांदुळ रेशनचे तर नाही ना ?
      चिखली जवळ असलेल्या मेहकर फाटा परिसरात तंदुळने भरलेला ट्रक क्र. MH 20 DE 5099 पलटी झाल्याची घटना रात्री घडली व ट्रक चालक व क्लीनर तेथून फरार झाले. दुपारी बाराच्या सुमारास ट्रकच्या ड्रायव्हर ने जोगेश्वरी ट्रेडिंग कंपनी, चोपडा या नावाने मालाचे बिल व बिल्टी घेऊन चिखली पोलीस स्टेशनला हजर झाला. बिल्टी वरुण स्पष्ट होते की

जळगाव जिल्ह्यातील चोपडा येथून 25 टन तंदुळणे भरलेला ट्रक गोंदिया जाणार होता,चोपडा येथून गोंदिया जाणारा ट्रक चिखली येथे कशासाठी आला असेल ? ते तांदूळ रेशनचे आहे का ? अशे प्रश्न उपस्थित होत आहे. चिखली पुरवठा विभाग व पोलीस प्रशासनाचे कर्मचारी घटनास्थळी जावून आले.या विषयी चिखली तहसीलदार अजितकुमार येळे यांच्याशी विचारले असता ते म्हणाले की,आमचे लोक गेले होते व सदर तांदूळाशी आमचा काही संबंध नाही तरीही योग्य चौकशी करण्यात येईल.या प्रकरणी ठाण्यात फक्त अपघात घडल्याचा गुन्हा नोंद होण्याची माहिती मिळत आहे.सदरचे तांदूळ रेशन माफियाचे आहे की नाही सद्या है अस्पष्ट आहे.प्रशासनाने निष्पक्षपणे चौकशी केली तर रेशन धान्य संबंधी मोठा खुलासा समोर येऊ शकते.हे तांदूळ सार्वजनिक वितरण प्रणालीचे असून काळ्याबाजारात जात होते, अशी चर्चा चिखली शहरात सुरु आहे.