कर्तव्यदक्ष म्हणून ओळखले जाणाऱ्या अधिकाऱ्याच्या कार्यक्षेत्रातच मटका धंदे सर्रासपणे.

अहमदनगर जिल्ह्यात अवैध धंद्याना उत आले असून हे सर्व धंदे सर्रासपणे चालविणाऱ्या लोकांना जणू पोलिसांची भीतीच उरली नसल्याचे प्रथमतः दिसून येत आहे.मुख्यतः शहरातील बाजार परिसरातील भर रस्त्यात व लहान लहान गल्लीबोळात सर्रासपणे मटका आकड्याचे  दुकानी मांडल्या जात असून याकडे मात्र पोलिसांचा अर्थपूर्ण कारणाने दुर्लक्ष असल्याने संभ्रम परिस्थिती निर्माण झालेली असल्याचे जागरूक नागरिकांकडून बोललेजात आहे.

     एकीकडे अहमदनगर जिल्ह्याचे कर्तव्यदक्ष पोलिस अधीक्षक इशू सिधू साहेब आपल्या कार्यकर्तव्यामुळे जिल्ह्यात तालुक्यात सर्वदूर परिचित आहे. तर श्रीरामपुर शहरात अप्पर पोलीस अधीक्षका मा. दीपाली काळे  आहेत. यांनी राबविलेल्या विवीध उपक्रमामुळे ते लोकप्रिय झाले, परंतु अश्या कर्तव्यदक्ष म्हणून ओळखले जाणाऱ्या अधिकाऱ्याच्या कार्यक्षेत्रातच मटका खेळणारे व खेळवणारे सर्वच सहजच दृष्टीस पडल्याशिवाय राहत नाही.सामान्य नागरिक या अवैध धंद्यांना आळा बसावा यासाठी आग्रहित आहे. अहमदनगर जिल्ह्यात सर्रास चालणारे अवैध मटका  व्यवसायवर संपूर्ण बंदी घालने कर्तव्यदक्ष अधीक्षक इशू सिधू साहेब यांच्या साठी काही मोठी गोष्ट नाही फक्त त्यांनी मनावर घेतले पाहिजे,अशी प्रतिक्रिया अनेक नागरिकांनी व्यक्त करत अशी मागणी केली आहे की,अहमदनगर जिल्ह्याचे कर्तव्यदक्ष अधीक्षक इशू सिधू साहेब यांनी विशेष लक्ष द्यावे.