Latest Post

पटणा (बिहार)/ गौरव डेंगळे/१५ मे २०२५:बिहारमध्ये पार पडलेल्या खेलो इंडिया यूथ गेम्स २०२५ मध्ये महाराष्ट्राने दमदार कामगिरी करत एकूण १५८ पदकांची कमाई केली आणि देशभरात आपला पहिला क्रमांक पक्का केला. या स्पर्धेत राज्याने ५८ सुवर्ण,४७ रौप्य आणि ५३ कांस्य पदकांची भरघोस कमाई केली आहे.#महाराष्ट्राच्या_खेळाडूंची_बहारदार_कामगिरी!या स्पर्धेत महाराष्ट्राचे प्रतिनिधीत्व करणाऱ्या खेळाडूंनी विविध क्रीडाप्रकारांमध्ये उत्कृष्ट प्रदर्शन करत राज्याचं नाव उंचावलं. अ‍ॅथलेटिक्स, कुस्ती, जलतरण, व्हॉलीबॉल, बॅडमिंटन, खो-खो, कबड्डी आणि जिम्नॅस्टिकसारख्या खेळांमध्ये महाराष्ट्राने वर्चस्व प्रस्थापित केलं.#हरियाणा_व_राजस्थान_मागे_राहिले!महाराष्ट्राच्या पाठोपाठ हरियाणाने दुसरं स्थान पटकावत ११७ पदकं जिंकली. त्यानंतर राजस्थानने ६० पदकांसह तिसरे स्थान मिळवले.दिल्ली,कर्नाटक आणि तामिळनाडू यांसारख्या राज्यांनाही महाराष्ट्राच्या तुलनेत कमी पदकं मिळाले.#प्रशासनाची_भूमिका_आणि_पुढील_योजना!राज्य सरकारने खेळांसाठी आवश्यक पायाभूत सुविधा, प्रशिक्षकांची नियुक्ती, आर्थिक सहाय्य आणि आधुनिक प्रशिक्षण केंद्रांची उभारणी यांमध्ये भरीव योगदान दिले आहे. याशिवाय शालेय व महाविद्यालयीन स्तरावरून खेळाडूंना निवडून पुढे घेऊन जाण्याची मजबूत यंत्रणा यशस्वी ठरली आहे.

#क्रीडामंत्री_यांचे_वक्तव्य:

ही महाराष्ट्रासाठी अभिमानास्पद बाब आहे.आमच्या खेळाडूंनी संपूर्ण देशात सर्वोत्तम कामगिरी केली.आम्ही पुढेही त्यांना हवे ते सहकार्य देत राहू.


#महाराष्ट्रासाठी_पुढील_पाऊल – #आंतरराष्ट्रीय_यशया कामगिरीमुळे अनेक खेळाडू आता राष्ट्रीय स्तरावरून आंतरराष्ट्रीय स्पर्धांमध्ये सहभागी होण्याच्या मार्गावर आहेत. त्यांचं प्रशिक्षण, फिजिओथेरपी, पोषण आहार, आणि मानसिक तयारी यासाठी विशेष कार्यक्रम राबवले जातील.

श्रीरामपूर: येथील डी. डी. कचोळे विद्यालयाची इयत्ता 10 वी ची विद्यार्थिनी सायली अंबादास निकाळजे हिने नुकत्याच जाहीर झालेल्या निकालात तब्बल 85.7 टक्के गुण मिळवून नेत्रदीपक यश संपादन केले आहे. विशेष बाब म्हणजे सायलीने हे यश कोणत्याही खासगी शिकवणी (क्लास) किंवा अतिरिक्त मार्गदर्शन न घेता मिळवले आहे.

सायलीचे वडील रिक्षा चालक असून आई ग्रहणी आहे. घरात आईला तिच्या कामात मदत करत आणि शाळेतील अभ्यासावर लक्ष केंद्रित करत सायलीने हे यश मिळवले आहे. तिच्या या जिद्दी आणि मेहनतीच्या वृत्तीमुळे परिसरात तिचे सर्वत्र कौतुक होत आहे.

डी. डी. कचोळे विद्यालयाचे शिक्षक आणि मुख्याध्यापक यांनी सायलीच्या या यशाबद्दल तिचे अभिनंदन केले आहे. प्रतिकूल परिस्थितीतही सायलीने मिळवलेले हे यश इतर विद्यार्थ्यांसाठी प्रेरणादायी आहे, असे मत अनेकांनी व्यक्त केले

श्रीरामपूर: तालुक्यातील बेलापूर बुद्रुक येथे लवकरच ‘गोल्डन पाम’ या भव्य वॉटर पार्कचा शुभारंभ होणार आहे. या वॉटर पार्कचे उद्घाटन गुरुवार, १५ मे २०२५ रोजी सायंकाळी ५ वाजता आयोजित करण्यात आले आहे. या कार्यक्रमाला महंत उद्धवजी महाराज मंडलिक (नेवासेकर) यांची प्रमुख उपस्थिती लाभणार आहे. तसेच, आमदार हेमंतजी ओगले, चेअरमन अशोक सहकारी साखर कारखाना भानुदाची मुरकुटे, माजी उपनगराध्यक्ष करण दादा ससाणे, सत्यशील दादा शेरकर, सचिन दादा गुजर मा. विश्वस्त साईबाबा संस्थान शिर्डी, बाबासाहेब दिघे, ह भ प डॉक्टर सुभाष महाराज कांडेकर, सौ वंदनाताई मुरकुटे, सुधीर पा. नवले, अनिल पा. नवले सुभाष पाटील नवले महेश पाटील नवले यांच्यासह अनेक मान्यवर उपस्थित राहणार आहेत. गोल्डन पाम’ वॉटर पार्क आधुनिक सोयी-सुविधांनी सज्ज असून, लहान मुलांपासून मोठ्यांपर्यंत सर्वांसाठी मनोरंजनाची पर्वणी असणार आहे. विविध वॉटर राईड्स आणि आकर्षक जलक्रीडांचा अनुभव घेण्यासाठी हा वॉटर पार्क निश्चितच एक उत्तम ठिकाण ठरेल, असा विश्वास आयोजकांनी व्यक्त केला आहे.या उद्घाटन सोहळ्याला नागरिकांनी मोठ्या संख्येने उपस्थित राहावे, असे आवाहन निमंत्रक सुधीर पा. नवले आणि सुभाष पा. नवले यांनी केले आहे.

संपर्क:

गोल्डन पाम वॉटर पार्क & रिसॉर्ट पाण्याचा टाकीजवळ, बेलापूर बु., ता. श्रीरामपूर, जि. अहमदनगर

मोबाईल: ७६२०५५८५५५, ९९२२१५५५५०, ८३७८००७९००

श्रीरामपूर: तालुक्यातील बेलापूर बुद्रुक येथे लवकरच ‘गोल्डन पाम’ या भव्य वॉटर पार्कचा शुभारंभ होणार आहे. या वॉटर पार्कचे उद्घाटन गुरुवार, १५ मे २०२५ रोजी सायंकाळी ५ वाजता आयोजित करण्यात आले आहे. या कार्यक्रमाला महंत उद्धवजी महाराज मंडलिक (नेवासेकर) यांची प्रमुख उपस्थिती लाभणार आहे. तसेच, आमदार हेमंतजी ओगले, चेअरमन अशोक सहकारी साखर कारखाना भानुदाची मुरकुटे, माजी उपनगराध्यक्ष करण दादा ससाणे, सत्यशील दादा शेरकर, सचिन दादा गुजर मा. विश्वस्त साईबाबा संस्थान शिर्डी, बाबासाहेब दिघे, ह भ प डॉक्टर सुभाष महाराज कांडेकर, सौ वंदनाताई मुरकुटे, सुधीर पा. नवले, अनिल पा. नवले सुभाष पाटील नवले महेश पाटील नवले यांच्यासह अनेक मान्यवर उपस्थित राहणार आहेत. गोल्डन पाम’ वॉटर पार्क आधुनिक सोयी-सुविधांनी सज्ज असून, लहान मुलांपासून मोठ्यांपर्यंत सर्वांसाठी मनोरंजनाची पर्वणी असणार आहे. विविध वॉटर राईड्स आणि आकर्षक जलक्रीडांचा अनुभव घेण्यासाठी हा वॉटर पार्क निश्चितच एक उत्तम ठिकाण ठरेल, असा विश्वास आयोजकांनी व्यक्त केला आहे.या उद्घाटन सोहळ्याला नागरिकांनी मोठ्या संख्येने उपस्थित राहावे, असे आवाहन निमंत्रक सुधीर पा. नवले आणि सुभाष पा. नवले यांनी केले आहे.

संपर्क:

गोल्डन पाम वॉटर पार्क & रिसॉर्ट पाण्याचा टाकीजवळ, बेलापूर बु., ता. श्रीरामपूर, जि. अहमदनगर

मोबाईल: ७६२०५५८५५५, ९९२२१५५५५०, ८३७८००७९००

कोपरगाव | दिनांक – १३ मे २०२५/गौरव डेंगळे:

शहरातील शैक्षणिक क्षेत्रात एक विश्वासार्ह आणि गुणवत्तापूर्ण शिक्षण देणारी संस्था म्हणून ओळखली जाणारी श्री शारदा इंग्लिश मीडियम स्कूल, कोपरगाव ही शाळा यंदाही १००% निकाल लावण्यात यशस्वी ठरली आहे. मार्च २०२५ मध्ये पार पडलेल्या इयत्ता दहावीच्या परीक्षेत १६८ पैकी १६८ विद्यार्थ्यांनी यश मिळवले, यामुळे पालक आणि शिक्षकांमध्ये आनंदाचे वातावरण आहे.


*निकालाचे ठळक पैलू:*


१६८ विद्यार्थ्यांपैकी १५२ विद्यार्थ्यांनी 'डिस्टिंक्शन' (७५% व त्याहून अधिक गुण) मिळवले.


१३ विद्यार्थ्यांना 'फर्स्ट क्लास' (६०% ते ७४.९९%) मिळाला.


०३ विद्यार्थ्यांनी 'सेकंड क्लास' (४५% ते ५९.९९%) मिळवून उत्तीर्णता गाठली.


यावर्षी एकाही विद्यार्थ्याचा अपयश नोंदवले गेले नाही.



*गुणवंत विद्यार्थ्यांचे नाव व यश:*


1. मिस. पारिख हरिश्री किरण – ९८.८०% (शाळेतील प्रथम)



2. मिस. साळुंखे कृष्णाप्रिया वासुदेव – ९७.६०% (शाळेतील द्वितीय)



3. मिस. गाडेकर स्नेहा शैलेश – ९७.२०% (शाळेतील तृतीय)




*गुणवर्गवारी:*


९०% पेक्षा अधिक: ५१ विद्यार्थी


८०% ते ८९.९९%: ७१ विद्यार्थी


७०% ते ७९.९९%: ३६ विद्यार्थी


६०% ते ६९.९९%: ७ विद्यार्थी


४५% ते ५९.९९%: ३ विद्यार्थी



*शाळेच्या यशामागील घटक:*


या यशामागे केवळ विद्यार्थ्यांचे परिश्रमच नव्हे तर शिक्षकांचे सातत्यपूर्ण मार्गदर्शन, शाळेतील अभ्यासकेंद्रित वातावरण, तांत्रिक साधनांचा प्रभावी वापर आणि पालकांचा सतत पाठिंबा हे घटक कारणीभूत आहेत. शाळेच्या अभ्यासक्रमाबरोबरच विद्यार्थ्यांना वैयक्तिक मार्गदर्शन, वेळोवेळी टेस्ट सिरीज, रेमेडियल क्लासेस आणि मानसिक आरोग्याचे प्रशिक्षणही दिले गेले.


*मुख्याध्यापकांचे मत:*


मुख्याध्यापक श्री के एल वाकचौरे यांनी सांगितले की, “आमची शाळा केवळ निकालासाठी नाही तर विद्यार्थी घडवण्यासाठी प्रयत्नशील आहे. आमचे शिक्षक फक्त शिक्षण न देता प्रेरणा देतात, आणि याचाच हा निकाल पुरावा आहे.”


 *भावी वाटचालीसाठी शुभेच्छा:*


या विद्यार्थ्यांनी विविध शाखांमध्ये प्रवेश घेण्यास सुरुवात केली असून, त्यांना डॉक्टर, इंजिनिअर, वैज्ञानिक, प्रशासकीय अधिकारी अशा विविध क्षेत्रांत यशस्वी होण्यासाठी शाळेच्या वतीने शुभेच्छा दिल्या गेल्या.

श्रीरामपूर - शंभर टक्के यशाची परंपरा कायम राखत श्रीरामपूर येथील सरकार मान्य मान्यताप्राप्त अल्पसंख्याक स्वयं अर्थसहाय्यित संस्था, मोहम्मद इब्राहिम एज्युकेशन सोसायटी संचलित, अजमत फातिमा इंग्लिश स्कूल ॲड ज्युनि. काॅलेज विज्ञान शाखेचा शंभर टक्के निकाल लागला आहे. नुकत्याच झालेल्या महाराष्ट्र राज्य माध्यमिक व उच्च माध्यमिक शिक्षण मंडळाने इयत्ता बारावीचा निकाल जाहीर केला आहे. या परिक्षेत  विज्ञान शाखेत निशाद अबुबकर शाह हिने ९०.१७ टक्के गुण मिळवून श्रीरामपूर तालुक्यात तसेच काॅलेज मध्ये प्रथम येण्याचा बहुमान मिळवला . द्वितीय क्रमांक जोया जावेद अहमद शेख ७५ टक्के तर तृतीय सबिया अफजल शेख ७१.१७ टक्के गुण मिळवून यशाची नवी शिखरे गाठली आहेत. या कामी यशस्वी विद्यार्थ्यांचे शाळेचे ज्येष्ठ मार्गदर्शक आदरनिय श्री.मोहम्मद इब्राहिम साहेब अली शेख साहेब, संस्थेचे संस्थापक अध्यक्ष डॉ. मोहसीन शेख सर , उपाध्यक्ष श्री. मतीन शेख सर , सचिव श्री. मुबीन शेख सर , प्राचार्य लुकस दिवे , सर्व शिक्षक, शिक्षकेत्तर कर्मचारी, पालक यांनी अभिनंदन केले व पुढील वाटचालीसाठी हार्दिक शुभेच्छा दिल्या.

बेलापूर (प्रतिनिधी)-महर्षी वेद व्यास प्रतिष्ठान बेलापूर यांच्यावतीने घेण्यात आलेल्या वेदोत्सव परिक्षेत दधिमती वैदिक गुरुकुल गोठमांगलोत गुरुकुलातील तसेच बेलापूर येथील पत्रकार दिलीप दायमा यांचे चिरंजीव महेश दायमा यांनी प्रथम क्रमांक मिळवून सुवर्णमुद्रीका पटकावली होती. 


श्रीराम जन्म भूमीचे गोविंददेवगिरी महाराज तथा किशोरजी व्यास महाराज यांच्या हस्ते महेश दायमा यांना सन्मानीत करण्यात आले होते. त्या यशानंतर महेश दायमा हे उद्या मंगळवार दि. १३ मे रोजी बेलापूर येथे आपल्या मुळ गावी येत असून त्यांच्या यशाबद्दल भव्य अशी मिरवणूक काढून सत्कार समारंभ आयोजित केला आहे.


उद्या मंगळवारी दुपारी ४ वाजता होणाऱ्या मिरवणूक व सत्कार सोहळ्यास मोठ्या संख्येने उपस्थित रहावे असे आवाहन बेलापूर ग्रमस्थ, गावकरी मंडळ, सकल राजस्थानी समाजाने केले आहे.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget