गोवंश जनावरांची कत्तल सुरू असलेल्या ठिकाणी लोणी पोलिसानी छापा 5 लाख 68 हजार रूपये किमतीचा मुद्देमाल जप्त, 2 आरोपी ताब्यात

लोणी प्रतिनिधी- पोलिस स्टेशनचे सहाय्यक पोलीस निरीक्षक समाधान पाटील यांना गोपानीय माहिती मिळाली होती की राहाता तालुक्यातील ममदापुर गावात कुरेशी मोहल्ला या ठिकाणी गोवंशिय जनावरांची कत्तल सुरु आहे. मिळालेल्या खात्रीशिर माहितीनुसार तसेच वरिष्ठाच्या सुचना व मार्गदर्शनाखाली पोलिस पथका समवेत सदरच्या ठिकाणी छापा टाकला असता गोवंश जातीचे मांस तसेच 6 गोवंश जातीच्या गायी, 6 गोवंश जातीचे वासरे व महिंद्रा कंपनीची पिक अप क्र. MH 03 AH 2408 असा एकुण 5,68,000/-रुपये किमतीचा मुद्दमाल जप्त करण्यात आला असुन जब्बार हसन शेख वय 45 वर्ष रा.ममदापुर ता.राहाता, कैफ रउफ कुरेशी वय 22 वर्ष रा.कुरेशी मोहल्ला ममदापुर ता.राहाता, जावीद नाजुक खाटीक वय 33 वर्ष रा.कुरेशी मोहल्ला ममदापुर ता.राहाता व कृष्णा एकनाथ गोरे रा. ममदापुर ता.राहाता यांचे विरुध्द लोणी पोलीस स्टेशन गुन्हा रजी नं.558/2022 महाराष्ट्र प्राणी सरक्षण अधिनीयम 1995 चे सुधारीत कलम 5 (अ),5(क) सह 9 तसेच प्राण्याना निर्दयतेने वागविण्यास प्रतीबंध कायदा कलम 3 व 11 प्रमाणे गुन्हा दाखल करण्यात आला असल्याची माहिती सहाय्यक पोलीस निरीक्षक समाधान पाटील यांनी दिले आहे.सदरची उल्लेखनीय कामगिरी पोलिस अधीक्षक राकेश ओला, अप्पर पोलिस अधीक्षक स्वाती भोर, उपविभागीय पोलिस अधिकारी संजय सातव यांच्या सुचना व मार्गदर्शनाखाली सपोनि समाधान पाटील, पोलीस उपनिरीक्षक सुदाम फटांगरे, पो.ना. आसीर सय्यद, पो.ना. दिपक रोकडे, पो.ना.कैलास भिंगारदिवे यांच्या पथकाने केली आहे.