दिवंगत पंतप्रधान अटलबिहारी वाजपेयी यांनी दिलेल्या संघ प्रचाराचा संदेश जपणारे गंगाधर साळूंके -हेरंब औटी.

बेलापूर (वार्ताहर)- राष्ट्रीय - स्वयंसेवक संघ आणि भाजपचे काम करताना गंगाधर शास्त्री साळुंके यांनी दिवंगत पंतप्रधान अटलबिहारी वाजपेयी यांनी संघ प्रचारक असताना त्यांना १९५३ मध्ये दिलेल्या संदेशाचे आयुष्यभर पालन करून नव्या पिढीला एक आदर्श घालुन दिला, असे गौरवोद्गार भाजपचे ज्येष्ठ नेते हेरंब औटी यांनी काढले.

गंगाधर बद्रीनारायण साळुंके सामाजिक प्रतिष्ठान व बेलापूर पोस्ट ऑफिस मार्फत आयोजित आधार कार्ड लिंकिंग आणि मतदार नोंदणी शिबिराच्या उदघाटनप्रसंगी औटी बोलत होते.ते म्हणाले की, शास्त्री यांचे जवळचे नातेवाईक काँग्रेसतर्फे खासदार, आमदार, मंत्री पदावर असूनही त्यांचा त्यांच्यावर प्रभाव पडला नाही. त्यांच्याकडून संघटनेत शिस्तीत काम करण्याची शिकवण मिळाली. त्यामुळे आम्हा सर्वांना जीवनात यशस्वीपणे काम करता आले. त्यामुळे त्यांचे नेहमी स्मरण होत राहील. त्यांच्या स्मरणार्थ

साळुंके परिवाराने आयोजित केलेल्या या शिबिराचेही त्यांनी कौतुक केले. यावेळी पं. महेश व्यास, पं. स. सदस्य अरुण पा. नाईक, उपसरपंच अभिषेक खंडागळे,माजी सरपंच भरत साळुंके,प्रा. ज्ञानेश गवले आदींची भाषणे झाली.

यावेळी सर्वश्री विश्व हिंदू परिषदेचे देविदास चव्हाण, जि. प. सदस्य शरद नवले, बाजार समिती संचालक सुधीर नवले जनता आघाडी प्रमुख रवींद्र खटोड, बेलापूर शिक्षण संस्थेचे उपाध्यक्ष अशोकराव साळुंके, भागवतराव साळुंके, अॅड. विजय साळुंके, माजी सरपंच भरत साळुंके, पोलीस पाटील अशोक प्रधान, पोष्ट विभागाचे अधिकारी श्री. कोल्हे, गणेश साळुंके, पं. महेश व्यास,दिलीप काळे, चंद्रशेखर डावरे, प्रभाकर ढवळे, योगेश जाधव, संजय कुलकर्णी, लक्ष्मण शिंदे, नितीन कुलकर्णी, प्रशांत मुंडलीक, महेश कुंभकर्ण, बाळू दायमा, ग्रा.पं. सदस्य मुश्ताक शेखप्रभात कु-हे,साईनाथ शिरसाठ, सुभाष शेलार आदी उपस्थित होते. या शिबिराचा दिडशे नागरिकांनी लाभ घेतला.

प्रास्ताविक अॅड. मयुर साळुंके यांनी केले. तर अॅड. अजिंक्य साळुंके यांनी आभार मानले, सुत्रसंचालन प्रदीप साळुंके यांनी, केले. कार्यक्रम यशस्वीतेसाठी, पुरुषोत्तम साळुंके,प्रताप साळुंके, सोहम साळुंके, संजय साळुंके, ऋषिकेश साळुंके यांच्या मार्गदर्शनाखाली साळुंके मरिवाराने परिश्रम घेतले.