बेलापुर (देविदास देसाई )- तंटामूक्ती अध्यक्षाची निवड ही ग्रामसभेतुन सर्वानुमते घेण्याचा अधिकार हा सर्व ग्रामसभेला दिला असला तरी एकमत न झाल्यास काय करावयाचे? हे मात्र सांगितले गेले नाही त्यामुळे राहुरी तालुक्यात तंटामूक्तीचा अध्यक्ष निवडण्यासाठी चक्क गुप्त मतदानाची पध्दत अवलंबविण्यात आली असुन मतदान सुरु झाले आहे.राहुरी तालुक्यातील संक्रापुर या गावाच्या तंटामूक्त अध्यक्षाची निवड होण्याकरीता बैठक बोलविण्यात आली होती परंतु निवडीबाबत एकमत न झाल्यानेगुप्त मतदानाने निवड करण्याचे ठरले निवडणूकी प्रमाणेच सर्व प्रक्रिया पार पडणार असुन पाच वाजता मतमोजणी होणार आहे .राहुरी तालुक्यातील संक्रापुर या गावच्या तटामूक्ती अध्यक्ष निवडीचा कार्यक्रम ठरला होता परंतु गावात दोन्ही गट प्रबळ असल्यामुळे अध्यक्ष पदाबाबत एकमत होत नव्हते हात वर करुन अध्यक्ष निवडण्याचे ठरले परंतु त्यास अनेकांनी विरोध दर्शविला निवड ही गुप्त मतदान पध्दतीने घ्यावी असा सर्वानुमते निर्णय झाला अन सुरु झाली गुप्त मतदानाची प्रक्रीया. जगताप गटाच्या वतीने संक्रेश्वर जनसेवा मंडळाचे रोहीदास खपके यांनी अर्ज दाखल केला तर संक्रेश्वर विकास मंडळाचे पांढरे गटाच्या वतीने शनैश्वर जगताप यांनी अर्ज दाखल केला खपके यांना कपबशी तरा जगताप यांंना छत्री हे चिन्ह देण्यत आले निवडणूक निर्णय अधिकारी म्हणून ग्रामसेवक गायकवाड यांनी काम पाहीले मग काय तंटामूक्ती अध्यक्षाची निवडच तंट्यातून सुरु होवुन गुप्त मतदानावर संपली दोन्ही गटाच्या उमेद्वारांनी आपापली ताकद पणाला लावुन मतदार आणण्यासाठी चारचाकी दुचाकी वाहनाचा वापर सुरु केला मतदारांना अमिषही दाखविण्यात आले घरोघर जावुन मतदाराला गाडीत घालून मतदान करवुन घेण्यासाठी दोन्ही गटाची चढाओढ सुरु झाली शेवटचे वृत्त हाती आले तेव्हा ७१९ मतदान झाले होते सायंकाळी पाच वाजता लगेच मतमोजणी होणार आहे त्या करीता गावात पोलीस बंदोबस्तही तैनातकरण्यात आला आहे.
Post a Comment