श्रीरामपुरात गावठी कट्टा व चोरीच्या मोटारसायकलसह आरोपी पोलीसांच्या जाळ्यात.

श्रीरामपूर (प्रतिनिधी) श्रीरामपुर शहर पोलीसांनी एका इसमाकडून गावठी कट्टा तसेच एक जिवंत काडतुस व एक चोरीची मोटारसायकल सह एकुण ६५ हजार रुपयांचा मुद्देमाल हस्तगत केला आहे . या बाबत मिळालेली माहीती अशी की श्रीरामपूर शहराच्या प्रांत कार्यालय शेजारील खबड्डी या ठिकाणी एक इसम ज्याच्याकडे गावठी कट्टा असल्याची माहिती गुप्त बातमी द्वारे मिळाल्याने अप्पर पोलीस अधीक्षक  डॉ. दिपाली काळे यांच्या सूचनेनुसार डी वाय एस पी संदीप मिटके यांच्यासह पी आय संजय सानप

यांच्या मार्गदर्शनाखाली ए पी आय पाटील पोलीस हेड कॉन्स्टेबल जोसेफ साळवे, पोलीस कॉन्स्टेबल किशोर जाधव, राहुल नरवाडे, पंकज गोसावी, राहुल गायकवाड, यांनी एका संशयीत इसमास सापळा रचून ताब्यात घेतले  त्याने आपले नाव  बळीराम उर्फ बल्ली रामचीत यादव वय 30 वर्ष राहणार सरस्वती कॉलनी देवकर वस्ती वार्ड नंबर 7 असे असल्याचे सांगितले  त्याची अंग झडती घेतली असता  त्याच्याकडे  2500  रुपये किमतीचा गावठी कट्टा व एक जिवंत काडतुस त्याचप्रमाणे एक्टिवा गाडी 40000 रुपये किमतीचे एकूण 65000 रुपये किमतीचे मुद्देमाल आढळून आला त्याच्याकडून मिळालेल्या माहितीनुसार ऍक्टिवा गाडी ही पुणे येथून चोरून आणल्याची कबुली आरोपीने दिली आहे  त्याचप्रमाणे आरोपीवर चैन  स्नँशिंग मोबाईल चोरी अशा अनेक गुन्हे दाखल आहेत.

त्याच्यावर श्रीरामपूर शहर पोलीस स्टेशन या ठिकाणी गुन्हा रजिस्टर नंबर  1/ 248 / 2021 आर्म एक्ट 3,5,7/ 25 अशाप्रकारे गुन्हा दाखल करण्यात आला आहे. या कारवाईमुळे श्रीरामपूर शहर पोलीस यांचे सर्वांकडून कौतुक करण्यात येत आहे पुढील तपास पोलीस हेडकॉन्स्टेबल जोसेफ साळवे हे करत आहे.