बेलापुर (प्रतिनिधी )- साई खेमानंद फौंडेशनच्या माध्यमातून उंबरगाव येथे कोविड सेंटर सुरु करण्यात यावे अशी मागणी बेलापुर व पंचक्रोषितील गावच्या सरपंचांनी खासदार सदाशिव लोखंडे यांना केली आहे बेलापुर वळदगाव उंबरगाव पढेगाव केसापुर आंबी दवणगाव संक्रापुर अंमळनेर गंगापुर एकलहरे उक्कलगाव कुरणपुर गळनिंब फत्याबाद मांडवे कडीत येथील सरपंचानी खासदार सदाशिव लोखंडे यांना पाठविलेल्या पत्रात पुढे म्हटले आहे की बेलापुर व परिसरात कोरोना रुग्णांची संख्या झपाट्याने वाढत आहे अनेक ठिकाणी रुग्णांना बेड देखील उपलब्ध होत नाही सर्व दवाखाने गच्च भरलेले आहेत नातेवाईक रुग्णांना घेवुन वणवण या दवाखान्यातून त्या दवाखान्यात चकरा मारत आहे खासदार लोखंडे यांनी ईंबरगाव येथे साई खेमांनद फौंडेशन सुरु केले या ठिकाणी रुग्णांना लागणार्या सोयी सुविधा उपलब्ध होवु शकतात त्यामुळे उंबरगाव येथे कोविड सेंटर सुरु करावे असेही प्रसिद्धीला दिलेल्या निवेदनात म्हटले आहे या निवेदनावर बेलापुरचे सरपंच महेंद्र साळवी उपसरपंच अभिषेक खंडागळे बेलापुर खूर्दच्या सरपंच सौ वर्षा महाडीक उक्कलगावचे सरपंच नितीन थोरात एकलहरे येथील सरपंच रिजवाना शेख पढेगावचे सरपंच किशोर बनकर लाडगावचे सरपंच गिताराम खरात उंबरगावचे माजी सरपंच राजेंद्र ओहोळआदिंच्या सह्या आहेत तसेच खासदार सदाशिव लोखंडे यांचे चिरंजीव चेतन लोखंडे हे डाँक्टर आहेत त्यामुळे त्याचा लाभ परिसरातील रुग्णांना होवु शकतो निवडणुकीच्या आगोदर डाँ.चेतन लोखंडे यांनी बेलापुर व परिसरात अनेक आरोग्य तपासणी शिबीर भरविले होते गावातीलच काही तरुण कार्यकर्ते त्या वेळी अघाडीवर होते आज परिसरातील नागरीकांना खरोखर उपचाराची आधाराची गरज आहे त्यामुळे कार्यकर्त्यांनी देखील या ठिकाणी कोविड सेंटर चालू करण्यासाठी आग्रह धरावा अशीही मागणी नागरीकामधुन केली जात आहे.
Post a Comment