बुलडाणा वनविभागाने 2 प्रकरणातील 4 शिकाऱ्यांना केले अटक.

🔹दोघांनी केली होती रानडुकराची शिकार

बुलडाणा - 16 सेप्टेंबर

बुलडाणा वनपरिक्षेत्रात रानडुकराची शिकार करणाऱ्या 2 तसेच शिकार करण्याच्या उद्देशाने जंगलात फिरणाऱ्या 2 असे 4 आरोपींना आज वन विभागाने अटक त्यांना कोर्टासमोर हजर केले असता त्यांची जामीन मंजूर केली आहे.

    लॉकडाउन च्या काळात बुलडाणा वन विभागाला माहिती मिळाली की बुलडाणा तालुक्यातील कोलवड गावात अवैधरित्या रानडुकराची शिकार करून त्याचा मांस विक्री केला जात आहे.26 मेला बुलडाणा वनपरिक्षेत्र अधिकारी गणेश टेकाळे यांच्या नेतृत्वात वनपाल राहुल चौहान,दिपक घोरपडे, सुरेश भालेराव,विष्णु काकड,शिला खरात, विलास मेरत, संदीप मडावी,प्रवीण सोनुने,दिपक गायकवाड यांनी कोलवड गावात एका घरात छापा टाकून शिकार केलेल्या रानडुकराचा अंदाजे 60 किलो मांस व इतर साहित्य सह आरोपी अनिल उर्फ नारायण शिंदे रा.शिरपुर व राजेश शिंदे रा.नान्द्रकोळी यांना ताब्यात घेतले होते.तर दूसरी कार्रवाई गिरडा - 1 बिट मध्ये 3 अप्रैल रोजी करण्यात आली होती.या ठीकाणी जंगलात वन्य प्राणयांचा शिकार करण्याच्या उद्देशाने फिरणारे 2 जन 3 जाळे सह मिळून आले होते.आरोपी सुपडा चौहान व प्रभाकर सोनोने दोघे रा.हनवतखेड ता. मोताळा यांना वनरक्षक कैलाश तराळ व प्रशांत नारखेडे यांनी ताब्यात घेतले होते.दोन्ही प्रकरणात गुन्हे दाखल करण्यात आले होते मात्र लॉकडाउन असल्यामुळे आरोपींना समज पत्र देण्यात आले होते.आज दोन्ही प्रकारणातील चार ही आरोपींना अटक करून कोर्टा समक्ष उभे केले असता त्यांची जामिनावर सुटका करण्यात आली आहे.पुढील तपास आरएफओ गणेश टेकाळे यांच्या मार्गदर्शनात वनपाल राहुल चौहान करीत आहे.