बुलडाणा येथे पोलिस कोरोना केअर सेंटर साठी इमारतीची डागडगुजी सुरु.

बुलडाणा - 12 जून

कोरोना विरूद्धच्या युद्धात सर्वात मोठे योगदान देत असलेल्या पोलिस प्रशासनातील अनेक पोलिस अधिकारी व कर्मचारी राज्यात कोरोना संसर्गीत होवून विविध हॉस्पिटलमध्ये वैद्यकीय उपचार घेत आहेत.संसर्गित पोलिसांना वेळीच चांगला उपचार मिळावे या पार्श्वभूमिवर महाराष्ट्र पोलिस प्रशासनाने आरोग्य विभागाच्या समन्वयातून रिक्त पोलिस इमारतींमध्ये कोरोना केअर सेंटर उभारण्याचे ठरविले आहे.बुलडाणा जिल्ह्यात 2 ठीकाणी सीसीसी उभारण्यासाठी एसपी डॉ.दिलीप पाटील भुजबळ यांनी 

बुलडाण्यातील स्व.दीपक जोग भवन आणि खामगांव येथील पोलिस कल्याण निधी डॉरमेटरी हॉल अशा दोन ठिकाण निश्चित केले आहे त्यापैकी खामगांव येथील कोरोना केअर सेंटरचे उदघाटन राज्याचे आरोग्य मंत्री राजेश टोपे यांच्या हस्ते 4 जून रोजी करण्यात आले आहे.बुलडाणा येथील स्व.दीपक जोग भवनचे दुरुस्तीचे काम सुरु आहे लवकरच येथे औषधी व उपचारासाठी लागणारे इतर साहित्य येणार आहे.