एकाच कुटुंबातील 4 जणांचा विद्युत ताराचा शॉक लागून मृत्यू झाल्याची दुर्दैवी घटना आज शनिवार 30 मे रोजी सायंकाळी उघडकीस आली आहे.या घटनेने संपूर्ण शहर हादरुन गेले आहे.
मिळालेली माहिती अशी की आज सायंकाळी 7 वाजेच्या सुमारास खामगांव येथील बर्डे प्लॉट भागातील राहणारे भुरू घासी पटेल (52),साजेदा बी भूरू पटेल (50),जावेद भूरू पटेल (25) व जाकिर भूरू पटेल (22) हे घरात असताना विद्युत तारेचा शॉक लागून मृत्यू त्यांचा मृत्यु झाला.सदर घटना आज संध्याकाळी उघडकीस आल्याने एकच खळबळ उडाली.यातील जावेद याचे 7 जून तर जाकिर याचे 8 जूनला लग्न ठरलेले होते. एकाची सासरवाडी वाशिम तर दुसऱ्याची सासरवाडी खामगांव मधील असल्याची माहिती मिळाली आहे.घटनेची माहिती मिळताच उपविभागीय पोलिस अधिकारी प्रदीप पाटील व शिवाजी नगरचे ठाणेदार सुनील हुड घटनास्थळी दाखल झाले आहेत.पंचनामा करुण चारही मृतदेह पोस्टमार्टम साठी सामान्य रुग्णालयात पाठविन्यात आले आहे.
Post a Comment