ग्रामीण पत्रकार संघटनेकडून जिल्हास्तरिय आदर्श पुरस्कार जाहीर ( जिल्हास्तरीय पत्रकारिता पुरस्कार साईप्रसाद कुंभकर्ण यांना जाहीर ).

बक्तरपूर (वार्ताहर) :- पत्रकार दिनाचे औचित्य साधून अखिल भारतीय ग्रामीण पत्रकार संघाच्यावतीने विविध क्षेत्रात उल्लेखनीय काम करणाऱ्या अकरा व्यक्तीना  जिल्हास्तरीय आदर्श पुरस्कार जाहीर करण्यात आले.पत्रकार दिनी पुरस्कार वितरण सोहळ्याचे आयोजन करण्यात आले आहे. अशी माहिती संघटनेचे जिल्हाध्यक्ष बाळासाहेब जाधव यांनी दिली.

 दि.६ जानेवारी हा बाळशास्त्री जांभेकर यांचा जन्मदिवस.या दिवशी राज्यभर पत्रकार दिन साजरा करण्यात येतो या दिनाचे औचित्य साधून अखिल भारतीय ग्रामीण पत्रकार संघाच्यावतीने सामाजिक,शैक्षणिक,पत्रकारिता,धार्मिक, प्रशासकीय, हस्तकला,राजकीय, प्रगतशील शेतकरी अशा विविध क्षेत्रात उल्लेखनीय काम करणाऱ्या व्यक्तीना जिल्हास्तरीय आदर्श पुरस्काराने सन्मानित करण्यासाठी प्रस्ताव मागविण्यात आले होते.त्याची निवड समितीने छाननी करून पुरस्कार कर्त्यांचे नाव जाहीर करण्यात आले.

सामाजिक - मनिषा मच्छिंद्र लहारे ( केडगाव, अहमदनर ), दिव्यांग चोंद कादर शेख ( पिंगेवाडी ),शैक्षणिक शिक्षक सविता विठ्ठलराव साळुंके ( गोंडेगाव,श्रीरामपूर ), शिक्षकेत्तर सुनिता एकनाथ पालवे ( पाथर्डि),पत्रकारिता- साईप्रसाद प्रमोद कुंभकर्ण ( कोल्हार, राहाता),धार्मिक - माऊली महाराज मोरे ( ब्राम्हणी, राहुरी ),समाजप्रबोधन - महंत बाबागिरी महाराज (श्री क्षेत्र काशी केदारेश्वर संस्थान नागलवाडी ),प्रशासकीय - भैय्यालाल टेकाम ( प्रसारण मंत्रालय भारत सरकार,आकाशवाणी अ.नगर ),हस्तकला - अशोक महादेव तरसे ( शेवगाव ),राजकीय -  दादासाहेब लक्ष्मण दळवी (भातकुडगाव ),प्रगतशील शेतकरी - रोहिदास लक्ष्मण ईसारवाडे ( जोहरापुर ) यांना जिल्हास्तरीय आदर्श पुरस्कार जाहीर करण्यात आले आहेत. पुरस्कारानी सन्मानित करणारांची नावे गुरुवारी ( दि.२ ) जाहीर करण्यात आले.दि.६ जानेवारीला ढोरजळगाव ( ता. शेवगाव )  येथील श्रीराम विद्यालयाच्या भव्य प्रांगणात पुरस्कार वितरण व पत्रकार दिनानिमित्त पत्रकारांचा सन्मान करण्यात येणार आहे.या समारंभाचे अध्यक्षस्थान शिवाजीराव काकडे भूषविणार आहेत. बक्षीस वितरण जि.प.अध्यक्षा नामदार राजश्री घुले, सदस्या हर्षदाताई  काकडे, प्रांताधिकारी देवदत्त केकान,पोलिस उपाधीक्षक मंदार जावळे याच्या हस्ते करण्यात येणार आहे.यावेळी जेष्ठ नेते दिलीपराव लांडे, शिवसेना नेता रामदास गोल्हार, तहसिलदार विनोद भामरे,पोलीस निरीक्षक रामराव ढीकले, शिवशाहीर कल्याण महाराज  काळे,भारुड सम्राट हमीद सय्यद,उद्धवराव सोनवणे,सुनिल दानवे,याच्यासह परिसरातील विविध संस्थेचे पदाधिकारी प्रमुख पाहुणे म्हणून उपस्थित राहणार आहेत.तरी पुरस्कार जाहीर झालेल्या व्यक्तींनी व तालुक्यातील पत्रकारांनी मोठ्या संख्खेने उपस्थित रहावे असे आवाहन अ.भा.ग्रामीण पत्रकार संघाचे जिल्हाध्यक्ष बाळासाहेब जाधव, उपाध्यक्ष सुधीर चव्हाण, सरचिटणीस शंकर मरकड, कार्याध्यक्ष दिपक खोसे, संपर्क प्रमुख भाऊ कदम, तालुका अध्यक्ष उध्दव देशमुख, इसाक शेख, रमेश खैरे,सलीम शेख,ईश्वर वाघमारे, संजय सुपेकर, रामनाथ रूईकर,राजेंद्र मराठे, किरण तहकिक,संजय भालेकर, सोपान जाधव,शिवाजी खरड, अशोक वाघ,सुनिल रनमले,गणेश शिंदे,बाळासाहेब वाघ यांनी केले आहे.