स्वस्तात सोने देण्याचे आमिष दाखवून लुटणार्‍या टोळीतील एकाला अटक.

अहमदनगर (प्रतिनिधी) स्वस्तात सोने देण्याचे आमिष दाखवून साकत शिवरात(ता.नगर) 3 लाख रुपये रोख रक्कम, घड्याळ, मोबाईल, गॉगल, वॉलेट असा एकुण 3 लाख 76 हजाराचा मुद्देमाल लुटणार्‍या टोळीतील एकाला नगर तालुका पोलीसांनी तपासाची चक्रे फिरवत दोन तासात अटक केली आहे. समाधान गजानन काळे(वय- 27 रा. दहिगाव ता. नगर) असे अटक केलेल्या आरोपीचे नाव आहे. अद्याप सात जण फरार असून पोलीस त्यांचा शोध घेत आहे.शुक्रवारी(दि.01) पुणे येथील व्यापारी संभाजी शिवाजी इंदळकर(वय-44) यांना अनओळखी नंबर वरून फोनद्वारे 3 लाखात अर्धा किलो सोने देतो म्हणून बतावणी केली. यासाठी त्यांना साकत(ता.नगर)येथे एका शेतात बोलवण्यात आले. इंदळकर तेथे येताच 8 जणांनी त्यांच्या जवळील 3 लाख रुपये रोख रक्कम, घड्याळ, मोबाईल, गॉगल, वॉलेट असा 3 लाख 76 हजाराचा मुद्देमाल चोरुन नेला. याप्रकरणी नगर तालुका पोलीस ठाण्यात गुन्हा दाखल केला होता.