बुलडाणा- 29 नोव्हे.
जिल्ह्यात गुटख्याची सर्रास विक्री सुरू आहे. ही विक्री तत्काळ बंद करुन खामगाव शहरातील मुख्य गुटखा तस्करावर कारवाई करण्याची मागणी सामाजिक कार्यकर्ता समीर खान यांनी आज जिल्हाधिकारी, अन्न व औषध प्रशासन आणि जिल्हा पोलीस अधीक्षकांना दिलेल्या निवेदनात केली आहे. कारवाई न झाल्यास स्वतः गुटख्याच्या गोडाऊनवर धाड टाकण्याचा इशारादेखील त्यांनी दिला आहे.
महाराष्ट्र राज्यात गुटखा, सुगंधित तंबाखूची बिक्रीवर बंदी आहे.असे असतांना अनेक लोक प्रशासनातील भरष्ट अधिकाऱ्याचा खिशा गरम करुण गुटख्याचा अवैध व्यापार करुण "गब्बर" झाले तर इतकेच नव्हे या धंध्यातुन आडमाप कमाई करत अनेकांनी आता हा धंधा बंद करुण अशे तस्कर राजकारणात सक्रिय झाले आहे.जिल्हा प्रशासनाला समीर खान यांनी दिलेल्या निवेदनात म्हटले आहे की खामगाव शहरातील एक मोठा गुटखा तस्कर संपूर्ण जिल्हाभरात गुटखा पोहोचवतात. खामगावातील मुख्य अवैध गुटखा तस्करांची चौकशी करून त्याच्याविरूद्ध अन्न व औषध कायद्याअंतर्गत कारवाई करण्याची मागणी त्यांनी केली आहे. अन्यथा येत्या 2 डिसेंबरला आपल्या कार्यालयासमोर आंदोलन करण्याचा इशारा निवेदनात शेवटी करण्यात आला आहे.
Post a Comment