चिखली येथील पतसंस्थेतील अपहारप्रकरणी दोन आरोपींना अटक, बुलडाणा आर्थिक गुन्हे शाखेची कारवाई.

बुलडाणा- 18 नोव्हे

चिखली येथील महात्मा फुले नागरी सहकारी पतसंस्थेमध्ये अपहार केल्या प्रकरणी दोन आरोपींना बुलडाणा आर्थिक गुन्हे शाखेच्या पथकाने आज 18 नोव्हेंबर रोजी चिखलीतुन अटक  केली.

      महात्मा फुले नागरी सहकारी पतसंस्था, चिखलीचे अध्यक्ष दत्तात्रय गणपत खरात, व्यवस्थापक सतीश प्रल्हाद वाघ, रोखपाल परमेश्वर सुखदेव पवार, राऊतवाडी,शाखा व्यवस्थापक गणेश कचरूजी खंडागळे यांच्याविरूद्ध 12 जुलै 2019 रोजी चिखली पोलिस स्टेशनमध्ये गुन्हा नोंदविण्यात आला होता. खोटे व बनावट कॅश कर्ज प्रकरणे तयार करून ठेवीदारांच्या पैशातून 1 कोटी 47 लाख 20 हजार 329 रुपये उचल करून अपहार केल्याचा आरोप त्यांच्यावर होता. या प्रकरणाचा तपास बुलडाणा आर्थिक गुन्हे शाखेकडे हस्तांतरीत करण्यात आला होता. आतापर्यंत करण्यात आलेल्या तपासाअंती सदर आरोपींनी 4 कोटी 24 लाख 58 हजार 88 रुपयांचा अपहार केल्याचे निष्पन्न झाले. गुन्हा दाखल झाल्या नंतर उपरोक्त चारही आरोपी फरार होते. दरम्यान, 17 नोव्हेंबर रोजी आर्थिक गुन्हे शाखेचे पोलिस उपअधीक्षक डी.बी.तडवी यांना गोपनीय माहिती मिळाली की आरोपी सतीश वाघ व परमेश्वर पवार हे चिखली शहरातील आपल्या राहत्या घरी येणार आहे. पथकाने सापळा रचून शिताफीने वरील दोन्ही आरोपींना अटक केली. ही कारवाई पोलिस अधीक्षक डॉ. दिलीप पाटील-भुजबळ, अपर पोलिस अधीक्षक संदीप पखाले यांच्या नेतृत्वात करण्यात आली.दोन्ही आरोपींना कोर्टात हजर केले असता त्यांना 5 दिवसाची पोलिस कोठडी सुनवन्यात आली. सदर कार्रवाई मध्ये आर्थिक गुन्हे शाखेचे डीवायएसपी तडवी, पीएसआय दिगंबर अंभोरे, कर्मचारी सरदार बेग,रामू मुंढे, निशांत चव्हाण, किरण भुजबळ, सिमा भुतेकर व चालक सचिन गायगोळ यांचा सहभाग होता.