रस्ता बांधकाम ठेकेदाराच्या हलगर्जीपणामुळे सर्वधर्म समभावाचे प्रतिक असलेल्या सैलानी येथील घर कोसळल्याची घटना रविवारी दुपारी घडली असून सुदैवाने यात कोणतीही जीवीतहानी झाली नाही तर घरातील लाखो रुपयांच्या इलेक्ट्रिक साहित्याचे नुकसान झाले आहे.
बुलडाणा जिल्ह्यातील हातणी ते जालना जिल्ह्यातील भोकरदनपर्यंत राष्ट्रीय महामार्ग प्राधिकरणकडून या रस्त्याचे काम सुरु आहे.धार्मिक स्थळ सैलानीतून हा मार्ग जात असल्याने सैलानीमध्ये रोडचे खोदकाम सुरु आहे.ठेकेदाराकडून खोदकाम कुठे कमी तर कुठे जास्त करण्यात येत आहे. सैलानी येथील मो.नफीस हाजी मो.अय्यूब यांच्या घराला कोरुन रस्ता खोदण्यात आला आहे. त्यामुळे 24 नोव्हेंबर रोजी पूर्ण घरच कोसळला. या घरात गावातील विद्यार्थी अभ्यास करतात. सुदैवाने घर कोसळण्याच्या वेळी घरात कोणीही नव्होता.घरमालक मो.नफीस हे इलेक्ट्रिक कंत्राटदार असल्याने त्यांचे इलेक्ट्रिकचे मोठे साहित्य ठेवलेले होते. घर पडल्याने लाखोंचे पूर्ण सहित्याचे नुकसान झाले. नुकसान भरपाई देण्याची मागणी मो.नफीस यांनी संबंधिताकडे केली आहे.
हातणी ते भोकरदनपर्यंतच्या रस्त्याचे काम सुरु होऊन बरेच दिवस झाले. मात्र अद्यापही काम पूर्ण झालेले नाही. संपूर्ण रस्ता खोदून ठेवलेला आहे. रस्ता खोदल्याने पावसाळ्यात रस्त्यावर चिखल साचला होता. त्यामुळे चिखली-सैलानी मार्गावरील जड वाहतूक बंद आहे. चिखली आगाराची बससेवा बंद असल्याने अमरावती, नागपूर, अकोला, वाशिम, हिंगोली, परभणी, नांदेड या भागातून येणाऱ्या भाविकांची प्रचंड गैरसोय झाली आहे. वाहतूक बंद असल्याने भाविकांना दर्शनाचा लाभ घेता येऊ शकत नाही. दरम्यान सैलानी येथे रस्ता बांधकाम करताना घरे कोरुन रस्ता बनविण्यात येत आहे. त्याचाच परिणाम म्हणून रविवारी सैलानीत एक घर कोसळले. सुदैवाने या घटनेत कुठलीही जीवीतहानी झाली नाही. मात्र घरातील सदस्य घाबरलेले आहेत.
चोरीच्या गौणखनिजचा कामात वापर?
या रासत्याच्या कामात मोठ्या प्रमाणात गौणखनिज वापरली जात आहे.या बद्दल विश्वसनीय सूत्राकडून अशी माहिती मिळाली की काही ठिकाणाहुन गौणखनिज मुरुम आनल्या जात आहे पण त्याची रायल्टी कमी ब्रासची काढली आहे तर उत्खनन मोठ्या प्रमाणात केल्या जात आहे.सदर रायपुर ते दुधा परिसरातील खोदन्यात आलेल्या ठिकाणचे महसूल विभागाकडून मोजमाप करुण संबंधित ठेकेदारावर कारवाई होने गरजेचे आहे.
Post a Comment