आजोबाकडून मतिमंद अल्पवयीन नातीचा विनयभंग
सिन्नर . घरात एकटी असणाऱ्या 14 वर्षीय मतिमंद मुलीचा चुलत आजोबानेच विनयभंग केल्याची घटना शनिवारी (दि 14) दुपारी 3 वाजेच्या सुमारास सिन्नर तालुक्यात घडली.या प्रकरणी वावी पोलीस ठाण्यात 66 वर्षीय आजोबा विरोधात पोस्को कायद्यांतर्गत गुन्हा दाखल करण्यात आला आहे. भास्कर तुकाराम निकम रा. पांगरी यांनी सदर अल्पवयीन मुलगी घरात एकटी असताना तिचा विनयभंग केला.मतिमंद असल्याने या मुलीला कोणताही प्रतिकार करता आला नाही. नेमक्यावेळी तिचे वडील घरात आल्याने हा प्रकार उघडकीस आला. आपण पकडले जाऊ या भीतीने निकम यांनी तेथून धूम ठोकली.मुलीच्या वडिलांच्या तक्रारीवरून पोलिसांनी विनयभंग व बाल लैंगिक अत्याचार प्रतिबंधक कायद्यान्वये गुन्हा दाखल केला आहे. पोलीस उपअधीक्षक माधव पडिले यांच्या मार्गदर्शनाखाली सहाय्यक निरीक्षक रणजित गलांडे याप्रकरणी तपास करीत आहेत
Post a Comment