युवा नेते आशुतो़षदादा काळे मित्रमंडळातर्फे पूरपरीस्थितीत मदत केलेल्या कोपरगावकरांचा सत्कार

युवानेते आशुतोषदादा काळे मित्रमंडळ आयोजित दहीहंडी उत्सव कोपरगाव शहरात युवानेते आशुतोषदाद काळे व अभिनेत्री रेशम टिपणीस यांच्या प्रमुख उपस्थितीत मोठ्या उत्साहात पार पडला.

कोपरगाव दि- 24

कोल्हापूर, सांगली सातारा तसेच कोपरगाव शहरात डेंग्यूमुळे मृत्युमुखी पडलेल्या तसेच माजी केंद्रीय अर्थमंत्री अरुण जेटली यांना श्रद्धांजली वाहून कार्यक्रमाला सुरुवात करण्यात आली. यावेळी दहीहंडी उत्सवाच्या निमित्ताने कोपरगावसह, कोल्हापूर, सांगली व सातारा येथे पूरपरिस्थितीमध्ये मदत केलेल्या सर्व कोपरगावकरांचा युवानेते आशुतोषदादा काळे, अभिनेत्री रेशम टिपणीस व तहसीलदार श्री. चंद्रे यांच्या हस्ते सत्कार करण्यात आला.

कोपरगाव शहरातील गोविंदा पथकांचा तसेच नागरिकांचा दहीहंडी उत्सवाला प्रचंड प्रतिसाद मिळाला. या कार्यक्रमाला कोपरगावकरांनी अलोट गर्दी केली होती.

कोपरगावसह कोल्हापूर, सांगली व सातारा येथे महपुरामुळे झालेल्या नुकसानीत कोपरगावकरांनी सामाजिक बंधिलकीतुन मोठ्या प्रमाणावर मदत केलीच आहे पण दहीहंडी उत्सवाची आपली संस्कृती जपावी तसेच वर्षभर मेहनत करणाऱ्या गोविंदा पथकांच्या आग्रहास्तव दहीहंडी उत्सव आयोजित केला असल्याचे यावेळी युवानेते आशुतोषदादा काळे यांनी यावेळी सांगितले.

यावेळी अभिनेत्री रेशम टिपणीस यांनी युवानेते आशुतोषदादा काळे यांनी सामाजिक बंधिकली जपत मुख्यमंत्री सहाय्यता निधीला २५ लाख रुपये दिल्याबद्दल तसेच करत असलेल्या समाजकार्याबद्दल युवानेते आशुतोषदादा काळे यांचे कौतुक केले.

युवानेते आशुतोषदादा काळे व पोलीस उपनिरीक्षक श्री. मानगावकर यांच्या हस्ते दहीहंडी फोडून दहीहंडी कार्यक्रमाची सांगता करण्यात आली.

यावेळी युवानेते आशुतोषदादा काळे मित्रमंडळाचे सर्व पदाधिकारी व सदस्य, आजी - माजी नगरसेवक, कार्यकर्ते, गोविंदा पथके व नागरिक मोठ्या संख्येने उपस्थित होते.