bindas news

श्रीरामपूर - ग्रामिण भागातील समस्थ ग्रामस्थांच्या समस्यांना समजून घेणे तथा त्यांच्या आडीआडचणींना शासन दरबारी पाठपूरावा करण्याकामी योग्य मार्गदर्शन करणे यासोबतच निरपेक्षतेने आपली शासकीय सेवा करणे आणि शासनाच्या सेवेला केवळ शासकीय सेवाच न समजता भक्ती म्हणून त्यात स्वतःस वाहून घेणे असे असे परोपकारी व्यक्तीमत्व असलेले तालूक्यातील सरला गोवर्धनपूर येथील आदर्श ग्रामसेवक श्री.रुबाब पटेल यांची श्रीरामपूर तालुका जिल्हा परिषद कर्मचारी महासंघाच्या तालुकाध्यक्षपदी एकमताने निवड झाल्याने जि.प.कर्मचार्यांबरोबर त्यांच्या मित्र परीवारांकडून देखील त्यांचयावर अभिनंदनाचा वर्षाव होत आहे,

 आज शुक्रवार दिनांक 08/10/2020रोजी पंचायत समिती श्रीरामपूर येथे महाराष्ट्र राज्य ग्रामसेवक संघटनेचे राज्याध्यक्ष मा.श्री.एकनाथराव ढाकणे यांचे हस्ते व अहमदनगर जिल्हा परिषद कर्मचारी महासंघाचे जिल्हाध्यक्ष श्री. सुनीलजी नांगरे यांचे प्रमुख उपस्थितीत श्रीरामपूर तालुका जिल्हा परिषद कर्मचारी महासंघ तालुका कार्यकारिणीची निवड करण्यात आली.त्यात सरला, गोवर्धनपूर ता.श्रीरामपूर येथील ग्रामसेवक श्री.रुबाब पटेल यांची श्रीरामपूर तालुका जिल्हा परिषद कर्मचारी महासंघाच्या तालुकाध्यक्षपदी एकमताने निवड करण्यात आली,

या निवडीबद्दल ग्रामसेवक रुबाब पटेल यांचा ग्रामसेवक संघटनेचे राज्याध्यक्ष मा.एकनाथराव ढाकणे यांच्याहस्ते सत्कार करण्यात आला तथा त्यांनी श्री.पटेल यांच्या पुढील कार्यास हार्दिक शुभेच्छाही दिल्या.

बुलडाणा - 9 ऑक्टोबर

बारावीनंतर सेट परीक्षेची तयारी करणाऱ्या एका 18 वर्षीय विद्यार्थ्यांने राहत्या घरी गळफास घेऊन आत्महत्या केल्याची घटना 9 ऑक्टोबरच्या सकाळी 5 वाजेच्या सुमारास बुलडाणा शहरातील रामनगर भागात घडली आहे. या विद्यार्थ्याच्या खिशात एक सुसाईड नोट मिळाला असून त्यात " थँक यु,,,,तुम्ही मला खुप छान मोठं केलं,, आता मला जगायचं नाही" अस लिहलेला होता.

     याबाबत बुलडाणा पोलिसांनी दिलेल्या माहितीनुसार बुलडाणा शहरातील रामनगर,पाळणाघर जवळ राहणारे विलास धायडे यांच्या घरी त्यांची बहिण व भाचा अनिकेत संतोष बोरकर (18 वर्ष) राहतात. अनिकेत 12 वी पास झाला व तो सेट परीक्षेची तयारी करत होता. 9 ऑक्टोबरच्या सकाळी 4 वाजेच्या सुमारास अनिकेत अभ्यासासाठी उठला व वरच्या रूम मध्ये गेला बराच वेळ उलटल्यानंतरही अनिकेत खाली आला नाही म्हणून त्याची आई पाहायला गेली असता आतून कडी लावलेली होती. आवाज दिल्यावर कोणताच प्रतिसाद येत नसल्याने घरातील इतरही लोक आले व आत पाहिलं तर अनिकेत गळफास घेऊन लटकलेला दिसला. याची माहिती शहर पोलिसाला देण्यात आली असता पीएसआय विनायक रामोड,इरफान पठाण व चालक गणेशे घटनास्थळी दाखल झाले व पंचनामा करून झडती घेतली असता अनिकेतच्या खिशात सुसाईड नोट मिळून आली आहे. याप्रकरणी शहर ठाण्यात आकस्मिक मृत्यूची नोंद घेण्यात आली आहे. अनिकेतने आत्महत्या का केली याचा तपास  पोलिस करीत आहे. अनिकेत हा एकुलता एक मुलगा होता त्याने उचललेल्या टोकाच्या पावलामुळे घरातील कुटुंबावर शोककळा पसरली आहे.

बुलडाणा - 9 ऑक्टोबर

अल्पवयीन मुलीवर लैंगिक अत्याचार करणाऱ्या बुलडाणा तालुक्यातील अंभोडा येथील आरोपी संजय गायकवाड याला 6 ऑक्टोबर रोजी नागरीकांनी झोडपुन काढल्याने तो जख्मी झाल्याने रुग्णालयात भर्ती करण्यात आला होता. त्याला रुग्नलयातून डिस्चार्ज मिळाल्याने पोलिसांनी त्याला आज 9 ऑक्टोबरला अटक करुन न्यायालयासमोर हजर केले असता त्याला न्यायालयीन कोठडी सुनावण्यात आली आहे.

     6 ऑक्टोबर रोजी बुलडाणा ग्रामीण पोलिस ठाणे अंतर्गतचे ग्राम अंभोडा येथील पीडित 10 वर्षीय बालिकेचे आई- वडील सोयाबीन सोंगणीसाठी शेतात गेले होते. बालिका शेजारी खेळत असताना आरोपी संजय अर्जुन गायकवाड याने बालिकेला घरामागे घेऊन गेला. तेथे तिच्यावर लैंगिक अत्याचार करण्याचा प्रयत्न केला होता. दरम्यान आरडाओरड केली असता बालिकेचे आजोबा व भाऊ धावून आले तर आरोपी संजय गायकवाड पळून गेला होता, मात्र लोकांनी त्याला चांगले चोपून काढले होते. त्यामूळे पोलिसांनी जखमी आरोपीला सामान्य रुग्णालयात उपचारार्थ दाखल केले होते.आरोपीविरुद्ध 7 ऑक्टोबर रोजी बलात्कार व पोक्सो अधिनियम प्रमाणे गुन्हा दाखल करण्यात आला आहे. आज 9 ऑक्टोंबरला आरोपीला डिस्चार्ज मिळाल्याने पोलिसांनी त्याला अटक करून न्यायालया समोर हजर केले असता त्याची रवानगी न्यायालयीन कोठडीत करण्यात आली आहे.पुढील तपास ठाणेदार सारंग नवलकर व दिलीप बोरसे करत आहेत.

बुलडाणा - 6 ऑक्टोबर

बुलडाणा जिल्हा सामान्य रुग्णालय येथे सफाई कामगार या पदा कार्यरत कैलास बेंडवाल यांच्या कार्याची दखल घेत मा. राज्यपाल यांच्या हस्ते मुंबई येथे सत्कार होणार आहे.

         देशासह संपूर्ण जगासमोर कोरोना महामारी मुळे मोठे संकट उभे आहे.अशा वेळी अनेक लोक कोरोना योद्धा म्हणून समाजात काम करीत आहेत. यामध्ये रुग्णालयात काम करून आपली सेवा देणाऱ्यांचे योगदान महत्वाचे आहे.या कोवीड-19 साथरोगाच्या पार्श्वभुमीवर असामान्य काम करणाऱ्या डॉक्टर,अधिपरिचारिका, प्रयोगशाळा तंत्रज्ञ,आरोग्य कर्मचारी,सफाई कर्मचारी तसेच अधिकाऱ्यांचा सत्कार मा. राज्यपाल महोदयांच्या हस्ते 15 ऑक्टोबर रोजी सायंकाळी 5 वाजता राजभवन,मुंबई येथे आयोजित करण्यात आला आहे.मागील 33 वर्षापासून सफाई कर्मचारी पदावर काम करीत आपली अविरत सेवा देत या कोरोना काळात ही कैलाश बेंडवाल यांनी उत्कृष्ट काम करून इतर कर्मचाऱ्या कडून ही नियोजन बद्धरित्या काम करून घेत आहे.अत्यंत मनमिळावू व आपल्या कामाशी प्रामाणिक असलेल्या कैलाश बेंडवाल यांच्या कार्याची दखल घेत त्यांना मा. राज्यपालांच्या हस्ते गौरविण्यात येणार आहे.

बुलडाणा - 6 ऑक्टोबर

उत्तर प्रदेशातील हाथरस येथील युवतीवर झालेला सामुहिक बलात्कार हा मानवतेला लागलेला कलंक आहे.युवतीवर अमानुषपणे सामुहिक बलात्कार करुन शरिरावर केलेले आघात हे अमानवीय आहे, एवढेच नव्हे तर अत्याचार पिडीतेचे पार्थीव शरिर तिच्या परिवाराकडे सुपुर्त न करता प्रशासनाने त्याची परस्पर अंत्यविधी करुन विल्हेवाट लावली ही कुठल्याच संस्कारात न बसणारी बाब आहे.मंगळवारी  बुलडाणा जिल्ह्यातील विविध संस्था, संघटनांच्यावतीने बलात्कारीत नराधमांना तात्काळ फाशी देण्यात यावी, या मागणीसाठी स्त्री मुक्ती संघटना, महाराष्ट्र अंधश्रद्धा निर्मुलन समिती, सिटु संलग्न अंगणवाडी कर्मचारी संघटना, आशा व गटप्रवर्तक संघटना, ताराबाई शिंदे स्मृती महिला संस्था, महिला जागृती संस्था, कृषी समृद्धी मल्टीपरपज फाऊंडेशन इत्यादी संघटनेच्या प्रतिधिनींनी बुलडाणा जिल्हाधिकारी एस.राममुर्ती यांच्यामार्फत भारताचे महामहिम राष्ट्रपती यांना निवेदन दिले आले.यावेळी शाहीनाताई पठाण, डॉ.इंदुमती लहाने, डॉ.विजया काकडे, अड.विद्या घोळे, नरेंद्र लांजेवार, कॉ.पंजाबराव गायकवाड, मृणालिनी सपकाळ,डॉ.वैशाली पडघान, मोहिनी बच्छाव, विजया ठाकरे, वर्षा गायकवाड, महेंद्र सौभागे, अनुराधा पाचराऊत, प्रिया वाघमारे, अक्षय आळेकर व विनोद जाधव इत्यादी उपस्थित

होते.

बुलडाणा - 6 ऑक्टोबर

येथील निवासी उपजिल्हाधिकारी रामेश्वर पुरी यांची बदली बाळापूर जि. अकोला येथे उपविभागीय अधिकारी पदी झाल्यानंतर या रिक्त झालेल्या निवासी उपजिल्हाधिकारी पदी दिनेश गीते यांची नियुक्ती करण्यात आली आहे. यासंदर्भात 5 ऑक्टोबर रोजी संध्याकाळी जिल्हा प्रशासनाला तसे आदेश प्राप्त झाले आहेत. दिनेश गीते यांनी यापूर्वी बुलडाणा येथे तहसीलदार म्हणून काम केलेले आहे. ते आता महाराष्ट्र राज्य रस्ते विकास महामंडळ अमरावती येथे उपजिल्हाधिकारी म्हणून कार्यरत होते.आज 6 ऑक्टोबरला दिनेश गिते यांनी निवासी उप जिल्हाधिकारी पदाचा पदभार स्वीकारला आहे.