श्रीरामपूर प्रतिनिधी-श्रीरामपूर पंचायत समितीच्या सभापती अखेर डॉ. वंदनाताई ज्ञानेश्वर मुरकुटे यांची निवड निवडणूक अधिकारी तथा प्रांताधिकारी अनिल पवार यांनी जाहीर करुन त्यांनी या पदाचा कार्यभार आ. लहू कानडे यांच्या उपस्थितीत स्वीकारला.श्रीरामपूर पंचायत समितीच्या सभापती निवडीचा कार्यक्रम जिल्हाधिकारी अहमदनगर यांनी दि 18 नोव्हेंबर रोजी जाहीर केलेला होता. त्याप्रमाणे निवडणूकही घेतण्यात आली. मात्र न्यायालयाच्या आदेशान्वये हा निकाल राखीव ठेवण्यात आला होता. या विरोधात पंचायत समितीचे सदस्य दीपक पटारे यांनी उच्च न्यायालय औरंगाबाद येथे पिटीशन दाखल करून निवडणूक कार्यक्रमावर आक्षेप घेऊन सर्वोच्च न्यायालयाच्या निकालानुसार ओबीसी आरक्षण हे क्षमतेपेक्षा अधिक असल्याने निकाल जाहीर करण्या संदर्भात स्थगिती मिळवली होती.तथापि औरंगाबाद उच्च न्यायालयाचे न्यायाधिश श्री. गंगापूरवाला व न्यायाधिश श्री. लढ्ढा यांच्यासमोर सदर अपीलात युक्तिवाद होऊन न्यायाधिशांनी सदर अपील फेटाळून लावत डॉ. वंदना मुरकुटे यांच्या सभापती पदाचा निकाल जाहीर करण्यासंदर्भात आदेश जिल्हाधिकार्यांना केले.जिल्हाधिकारी डॉ. राजेंद्र भोसले यांनी दिलेल्या आदेशान्वये निवडणूक निर्णय अधिकारी तथा प्रांताधिकारी अनिल पवार यांनी दु. 12 वाजता त्यांची निवड जाहीर केली. यावेळी प्रांताधिकारी अनिल पवार यांनी त्यांचा सत्कार केला. काल सायंकाळी डॉ. वंदना ज्ञानेश्वर मुरकुटे यांची श्रीरामपूर पंचायत समितीच्या सभापती निवड झाल्याचे जाहीर केले. त्यानंतर आ. लहू कानडे यांच्या उपस्थितीत डॉ. वंदना मुरकुटे यांनी सभापतीपदाचा कार्यभार स्वीकारला.यावेळी ज्ञानेश्वर मुरकुटे, काँग्रेस तालुकाध्यक्ष अरुण नाईक, पंचायत समिती सदस्य विजय शिंदे, आदी उपस्थित होते. यावेळी पंचायत समितीच्या आवारात फटाक्यांची अतिषबाजी करत या निवडीचा जल्लोष करण्यात आला.
Post a Comment