अहमदनगर : जिल्ह्यातील नगर-मनमाड, नगर-पुणे,लोणी-संगमनेर या महामार्गावर,अनेक वाहन चालकांना अडवून, त्यांना हत्याराचा धाक दाखवून लुटमार केल्या संदर्भात अनेक गुन्हे दाखल आहेत, या सर्व गुन्ह्याचा तपास लावण्याचे मोठं आवाहन पोलीस प्रशासनावर असतांना. पोलीस अधीक्षक मनोज पाटील यांच्या सूचना व मार्गदर्शनाखाली, स्थानिक गुन्हे शाखेचे पोलीस निरीक्षक अनिल कटके तसेच स्थानिक गुन्हे शाखेचे अधिकारी व अंमलदार या गुन्ह्यांचा समांतर तपास करीत असतांना. स्थानिक गुन्हे शाखेच्या पथकास मोठं यश आले आहे. ज्यात नगर मनमाड महामार्गावर झालेल्या रस्तालुट प्रकरणी आरोपी नितीन मच्छिन्द्र माळी, वय वर्ष २२ राहणार मोरे चिंचोरे, राहूरी, गणेश रोहीदास माळी, वय वर्ष २१ राहणार खडकवाडी, मूळा डॅम जवळ, राहूरी, रवि पोपट लोंढे, वय वर्षे २२ राहणार घोडेगाव,नेवासा, निलेश संजय शिंदे, वय वर्षे २१ राहणार पारिजात चौक, पाईपलाईन रोड, अहमदनगर व एका अल्पवयीन साथीदार अशा ४ प्रौढ, एका अल्पवयीन सराईत आरोपीस, १ लाख ९५ हजारांच्या मुद्देमालास ताब्यात घेतले असून. सदर आरोपींनी मागील दोन महिन्यांच्या कालावधीत, नगर-पुणे रोड, सुपा शिवार, नगर-मनमाड रोड व संगमनेर- लोणी रोड,या ठिकाणी वाहन चालकांना अडवून, ७ लुटमारी केल्याची कबुली दिल्याने, ७ गुन्हे उघडकीस आले आहेत. यासह या रस्तालुटीच्या गुन्ह्यातील ३ फरार आरोपींचा शोध सुरू असल्याची माहिती, स्थानिक गुन्हे शाखेचे पोलीस निरीक्षक अनिल कटके यांनी दिली. सदरची कारवाई पोलीस अधीक्षक मनोज पाटील यांच्या आदेशानुसार यांच्या सुचनेनुसार, स्थानिक गुन्हे शाखेचे सहाय्यक पोलीस निरीक्ष, गणेश इंगळे, सहाय्यक पोलीस निरीक्षक सोमनाथ दिवटे, पोलीस हेडकॉन्स्टेबल दत्तात्रय गव्हाणे, मनोहर गोसावी, पोलीस नाईक शंकर लोढे, विशाल दळवी, शंकर चौधरी, दिपक शिंदे, पोलीस कॉन्स्टेबल जालिंदर माने, आकाश काळे, राहूल सोळंके, सागर ससाणे, रणजित जाधव, रोहित येमूल, सागर सुलाने, माच्छिद्र बर्डे उमाकांत गावडे, बबन बेरड आदींनी यशस्वी रित्या पार पाडली.
Post a Comment