श्रीरामपूर शहरात अवैध धंदे मोठ्या प्रमाणात सुरु असुन,पोलीस अधिकाऱ्यांचे याकडे मात्र दुर्लक्ष.

श्रीरामपुर  (प्रतिनिधी  )-श्रीरामपूर शहरात अवैध धंदे मोठ्या प्रमाणात सुरु असुन गुन्हेगारांचा फास आवळणारे उपविभागीय पोलीस अधिकारी संदिप मिटके आल्यानंतर अवैध धंदे बंद होतील अशी आशा नागरीकांना होती परंतु सध्याची परिस्थिती पहाता नागरीकांचा भ्रम निरास झाला असुन दारु मटका,गुटका,क्लब त्याच बरोबर अवैध मार्गाने गौण खजिन

लुटणार्याचा देखील सुळसुळाट झाला आहे.श्रीरामपुर शहर व तालुक्यात अवैध धंद्याना उत आला असून हे सर्व धंदे सर्रासपणे चालविणाऱ्या लोकांना जणू पोलिसांची भीतीच उरली नसल्याचे प्रथमतः दिसून येत आहे.मुख्यतः शहरातील बाजारपेठ परिसरातील भर रस्त्यात व लहान लहान गल्लीबोळात सर्रासपणे मटका आकड्याचे  दुकाने सुरु आहेत.याकडे मात्र पोलिस निरीक्षक संजय सानप यांनी केलेले दुर्लक्ष बरेच काही सांगून जाते.मध्यंतरी पोलीसांनी फार मोठा गुटखा पकडला त्याचा तितकाच गवगवाही झाला अन्न व भेसळ प्रतिबंधक विभागाला अंधारात ठेवुन ही मोठी कारवाई पार पडली त्या नंतर गुटखा विक्री बंद होणे आवश्यक होते पण आज छोट्या व्यवसायीका

पासुन ते मोठ्या व्यापार्या पर्यत सर्वाकडे गुटखा मिळतो ते ही अव्वाच्या सव्वा किमतीला त्यामुळे शासनाने केलेला गुटखा बंदी दारु बंदी मटका बंदी हे सर्व कायदे कागदावरच राहातात की काय अशी शंका सुजाण निगरीकांना येत आहे.