बुलडाणा-धाड मार्गावर हतेडी जवळ भरधाव 2 दूचाकीच्या भिषण धडकेत 2 जण ठार झाल्याची घटना आज 3 जुलै रोजी घडली आहे.
बुलडाणा येथील गणेश नगर भागात राहणारे 36 वर्षीय अनिल तेजराव डुकरे हे बुलडाणा तालुक्यातील हतेडीच्या विद्युत उपकेंद्रवर ऑपरेटर म्हणून कार्यरत होते.आज सकाळी ते ड्यूटीवर दूचाकीने उपकेंद्राकडे जात असतांना हतेडीच्या प्राथमिक आरोग्य केंद्रा जवळ समोरून येणाऱ्या भरधाव दुचाकीने त्यांना जोरदार धडक दिली. या झालेल्या अपघातात अनिल डुकरे व समोरचा दुचाकी चालक गणेश बर्डे रा.तांदुळवाडी हे दोघे जण गंभीर जख्मी झाले.त्यांना बुलडाणा जिल्हा सामान्य रुग्णालयात दाखल केले असता अनिल डुकरे यांना डॉक्टरने मृत घोषित केले तर गणेश बर्डे याला जास्त मार लागल्याने पुढील उपचारासाठी अकोला रेफर करण्यात आले होते. मात्र तो अत्यावस्थ असल्याने त्याला सायंकाळी अमरावती येथे रेफर करण्यात आले असता त्याची ही प्राणज्योत मालवली असल्याची माहीती प्राप्त झाली आहे. बुलडाणा ग्रामीण ठाण्यात गुन्हा दाखल करण्यात आला असून पुढील तपास पीएसआय रामपुरे करीत आहे.
Post a Comment